Hapja e negociatave me Shqipërinë dhe Maqedoninë e Veriut, është një nga temat më të përfolura aktualisht në Bashkimin Europian.
Sekretarja e Portugalisë për Çështjet e Europës, Ana Paula Zacarias bëri të ditur se po punohet për një zgjidhje të përbashkët në BE për të dyja vendet.
Gjatë fjalës së saj në konferencën e Këshillit për Çështjet e Përgjithshme, Zacarias u shpreh se do të vijojë debati për konferencën ndërqeveritare për dy vendet, nëse do të ketë ose jo një të tillë.
Ana Paula Zacarias: ”Ne diskutuam për Maqedoninë e Veriut dhe Shqipërinë, çështjen e anëtarësimit. Por përpiqemi për një zgjidhje të përbashkët, që dy vendet të nisin procesin e anëtarësimit. Çfarë mund të them në këtë pikë, shteti ligjor është në qendër të procesit. Në procesin e angazhimit për afrimin drejt BE.
Kjo është në qendër të metodologjisë së re, ky është thelbësor. Do e marrim në konsideratë kur të analizojmë gjithë procesin. Shpresojmë se do vazhdojmë diskutimet e debatet, për të parë nëse do të kemi konferencë ndërqeveritare për dy vendet. Por në të vërtet më duhet të përforcoj këtë mesazh, që shteti i së drejtës është thelbësor.’’
Portugalia është shteti, që aktualisht kryeson presidencën e radhës gjashtëmujore të Këshillit të Bashkimit Evropian.
