Të tjera detaje kanë dalë nga masakra që iu bë çiftit shqiptar Pasho në Itali, të cilët u gjetën të copëtuar në katër valixhe, pranë burgut Solliçiano ku vuante dënimin djali i tyre për trafik droge.
Nga mbetjet e gjetura në katër valixhet, doli se Teuta kishte veshur një fustan dhe Shpëtimi pizhama. Ky detaj i ri, i bën hetuesit të mendojnë se ata janë vrarë në shtëpinë e tyre. Burri u godit me thikë në fyt, ndërsa gruaja u rrah barbarisht.
Në mbetjet e veshjeve, ekspertët mjeko-ligjor po bëjnë të gjitha hetimet, duke përfshirë kërkimin për ADN të njerëzve të tjerë, për të gjetur një detaj për të identifikuar vrasësit.
Vajzat thonë se sa herë që prindërit e tyre vinin në Itali për mjekim, ata merrnin me qira një apartament, herë në Firence, herë në Scandiçi.
Ndëkohë, pritet të merret së shpejti në pyetje, Elona ish e fejuara e Taulant Pashos e cila për momentin ka deklaruar për mediat se “ajo nuk është personi i fundit” që ka takuar çiftin Pasho.
Prokuroria e Firenzes po heton dhe mbi 40-50 mijë eurot e zhdukura që çifti Pasho kishte me vete gjatë qëndrimit të tyre në Itali më 2015.
