Të paktën 9 shqiptarë janë ndalur nga policia britanike në portin e Calais, pasi kishin tentuar të hynin ilegalisht. Autoritete bëjnë të ditur se shqiptarë ishin fshehur në tualetin e autobusit, i cili dërgonte turistë nga Holanda në Britani, raporton france3-regions.francetvinfo.fr.
“Autobusi u kontrollua nga Policia Kufitare në Calais “, tha Pascal Marconville, prokuror publik. Ishte një autobus turistik, që merrte rreth pesëdhjetë pasagjerë në bord.
Tashmë të 9 shqiptarët, janë lënë në paraburgim si dhe është ndalur shoferi i autobusit udhërrëfyesit turistik. Ata dyshohen se “ndihmonin hyrjen dhe qëndrimin e paligjshëm të huajve në vendin e tyre”. Shqiptarët pritet të transferohen shpejt në Qendrën e Paraburgimit Coquelles.
Kjo nuk është hera e parë që emigrantët janë gjetur në automjete që shkojnë në Angli, shpesh në kushte shumë të rrezikshme për jetën e tyre. TIRANA TODAY
