Eros Grezda padyshim është një nga mungesat më të mëdha të kombëtares shqiptare në këtë ndeshje të vështirë përballë Skocisë. Sulmuesi kuqezi prej pak ditësh është bashkuar me ekipin skocez të Glasgoë Rangers. Vetëm dy ditë para ndeshjes me Izraelin ai u detyrua që të largohet nga grumbullimi, pasi forma e tij nuk ishte më e mira dhe fluturoi drejt Skocisë për tu bashkuar me ekipin e tij të ri që drejtohet nga Steven Gerrard. Eros ka treguar për Supersport se atje i kanë kërkuar që të “spiunojë” kuqezinjtë se si do të luajnë, por ai u shpreh se nuk ka treguara asgjë.
Priteni si krenari kombëtare…
I falënderoj të gjithë, që këtë javë më keni pritur kaq mirë në mediat shqiptare. Dua t’i shpërblej me lojërat e mia këtu.
Ju vjen keq që nuk jeni sot në fushë?
Më vjen keq që nuk jam i gatshëm t’i ndihmoj shokët këtu, por shpresoj që muajin tjetër të jem gati.
Të kanë ngacmuar për informacione rreth Shqipërisë?
Po, ditët e fundit çdo ditë në stërvitje më kanë pyetur se si do luajnë, me çfarë formacioni. Por, as unë vetë nuk e kam ditur, por edhe po ta dija nuk do t’iu tregoja asgjë.
Formacioni i sotëm i Panuçit..
Sot luajmë me 4-4-2, jemi në mbrojtje. do doja që të gjithë lojtarët të japin maksimumin. Humbja me Belgjikën, nuk do të thotë shumë për ata, apo për ne.
Jeni ambientuar me kulturën në Skoci?
Ende nuk jam ambientuar me muzikën, kulturën, motin apo ushqimin e tyre, por besoj se në të ardhmen, do i bie edhe unë ndonjë instrumenti skocez.(qesh)
