Personaliteti më i rëndësishëm që është shpallur “non grata” nga Shqipëria, pas ceremonisë mortore të Kostandinos Kacifas është eurodeputetja qipriote, Eleni Theocharous. Ajo u shfaq në Bularat ditën e varrimit dhe ishte ndër personat që e ktheu ceremoninë mortore në një manifestim provokativ, me thirrje anti-shqiptare.
Deputetja qipriote, njëherësh edhe kryetarja e Lëvizjes për Solidaritet, Theocharous, e cila është raportuesja e bisedimeve të pranimit të Shqipërisë në BE, k folur për shpalljen “non grata”.
E ftuar në emisionin “SigmaLive”, Theocharous komentoi vendimin e Shqipërisë teksa tha se është një titull nderues për të, që tregon një regjimi korruptiv diktatorial, të konfirmuar si të tillë nga Londra dhe Athina.
“Unë nuk do të lëkundem nga rezistenca, synimi dhe pasioni im për të mbrojtur të drejtat e minoritetit grek në Epirin e Veriut, i cili jeton në kushte të tmerrshme,”- u shpreh eurodeputetja. Ajo pritet të flasë për vrasjen e Katcifas edhe të hënën përpara Parlamentit Evropian. TIRANA TODAY
https://tiranatoday.com/video-shqiperia-merr-vendimin-e-prere-shpall-non-grata-eurodeputeten/
