Motra e Klodian Rashës, e cila erdhi nga Italia për të varrosur të vëllain dhe për të protestuar, ka humbur ndjenjat.
Teksa ishte duke protestuar, Bora Rashës i ka rënë gjendje të fikti teksa për të ndihmuar atë janë angazhuar protestues edhe një police. Ajo ishte duke mbajtur një flamur kuqezi të Shqipërisë në dorë kur ka humbur ndjenjat para kryeministrisë.
Në një gjendje të rënduar, Bora tha në një prononcim për mediat se ajo çfarë kërkon është vetëm drejtësia. E përlotur, në një rrëfim mjaft të vështirë për të, u shpreh se kërkon të drejtën, dhe se gjithçka është një protestë paqësore.
Mes emocionesh se kërkoi drejtësi dhe dorëheqjen e kryeministrit Edi Rama dhe ministrit Sandër Lleshaj.
Klodian Rasha, 25-vjeç është ekzekutuar me dy plumba këtë të martë, 8 dhjetor, nga një efektiv policie. Ngjarja ka ndodhur në Laprakë të kryeqytetit, pasi i riu kishte dalë orët e para të mëngjesit jashtë banesës së tij.
Policia shprehet se i riu ka kërcënuar efektivin e policisë, ndaj ai ka qëlluar në kushtet e vetëmbrojtjes dhe në errësirë. Por ndryshe thonë familjarët dhe fqinjët të cilët shprehen se rruga është me ndriçim dhe i riu nuk mbante asnjëherë armë me vete.
