Gazetari Artan Hoxha, i ftuar në emisionin “Opinion”, teksa po fliste për grabitjen e miliona eurove në aeroportin “Nënë Tereza” më 9 prill, u shpreh se: “Janë shkarkuar të gjitha vlerat monetare nga mjetet e blinduara. Grabitja ka ndodhur në momentin kur avioni ishte gati të nisej. Janë marrë ato që janë marrë”.
Ndërkohë, ish-kreu i Emergjencave Civile, Shemsi Prençi mendon se një pjesë e parave kanë mbërritur në destinacion.
“Bankat kanë marrë konfirmim, vlera që është grabitur është rreth 6.5 milionë euro”, shtoi Prençi.
Sa i përket deklaratës së ministrit të Brendshëm, se paratë mund të jenë djegur, për Shemsi Prençin këto janë deklarata të papërgjegjshme.
“Ata nuk janë futur aty për të vjedhur. Ne nuk kemi goditur grabitësit, policia e shtetit ka goditur ata që kanë djegur furgonat”, tha Shemsi Prençi.
