Nga: Mentor Kikia
Mes reagimeve serioze dhe një humori të zi, jo për nga ngjyra, kam ndjekur “shqetësimin” se ardhja e afganëve (shumë afganëve) mund të na rrezikojë deri edhe asimilimin tonë si rracë e paster ariane dhe “modifikimin” e genit.
Mbi këtë alarm ende jo shumë alarmues dhe idenë e qeverisë për të zëvendesuar shqiptarët që ikin me rraca të tjera ezmere, edhe unë jam shumë i shqetësuar.
E para, sepse vajzat shqiptare mund të martohen lehtësisht me afganë e rraca të tjera qe do të vijnë, pasi djemte kanë ikur në emigracion.
Dhe e dyta, trazimi i genit tonë do të jetë fatal. Ne jemi një rracë e pastër punëtore, krenare, që nuk durojmë as shtypjen, as talljen, as vjedhjen, as përbuzjen, as mashtrimin. Ne reagojmë menjëherë dhe të shtypim kokën po na shkele dinjitetin, të drejtat dhe liritë, brenda javës ne rrëzojmë qeveritë nëse mësojmë se ato po na vjedhin.
E keni parë çfarë i bëjmë qeverisë në fb? Një rrace kaq qytetare, e edukuar, energjike e krenare duhet ruajtur me fanatizëm, e madje duhet shperndarë edhe në Europën plakë. Pra neve, të na mbajne jo për të punuar, por për të ripërtërirë rracën europiane.
Me ardhjen e emigrantëve, ne rrezikojme të bëhemi një popull që vegjeton kafeneve, qe merret vetem me llafe e thashetheme, intriga e prapaskena, pabesi dhe servilizma, të humbasim edukatën dhe qytetarinë. Nëse na ngaterrohet geni, rrezikojmë të bëhemi një popull i nënshtruar, e jo rrebel.
Të humbasim demokracinë dhe parimet tona. E keni dëgjuar se si afganët shisnin votat dhe nuk e bënë dot demokracinë, edhe me ndihmen e amerikanëve? Keni parë që si i hedhim plehrat rrugëve? Pa pike edukate dhe civilizimi.
Larg qoftë që të na vijne edhe nga rraca e talebanëve, njerëz të eger, që vunë përpara dy perandori kur i pushtuan.
