Një tentativë vrasje ka ndodhur në Sarteano, në provincën e Sienës, në Itali. ku një vajzë e re shqiptare, 27 vjeçe është në gjendje të rëndë në spital pasi mbrëmë u godit me kaçavidë nga ish-bashkëshorti i saj, 36 vjeç. Sulmi ndodhi kur nëna e re shkoi në shtëpinë e ish-bashkëshortit të saj për të marrë fëmijën e tyre 4 vjeç i cili kishte qëndruar disa orë me të atin. 36-vjeçari ra në prangat e policisë italiane me akuzën e tentativës për vrasje. Por ja sesi ndodhi ngjarja përpara syve të fëmijës së tyre 4 vjeç dhe sesi ndërhynë fqinjët për të ndarë çiftin e ri, duke shmangur në këtë mënyrë një tragjedi.
Ngjarja:
Në orën 21:00 të mbrëmjes një telefonatë mbërriti për karabinierët. Komshiu i 36-vjeçarit shqiptar telefonoi policinë duke e njoftuar për ngjarjen.
Brenda 5 minutave mbërriti policia në shtëpinë e çiftit të divorcuar shqiptar ndërsa disa fqinjë të tjerë kishin ndërhyrë duke mos lejuar burrin të kryente aktin fatal të vrasjes.
Shqiptari e ndoqi dhe e kishte goditi ish-gruan e tij dy herë me kaçavidë. Një goditje në krahun e majtë dhe një tjetër në gjoks.
Gruaja është në luftë me vdekjen ndërsa ish-burri i saj në burg.
