Një 32-vjeçar, i cili konsiderohet si një nga personat më të njohur të botës së krimit në Antverp të Belgjikës, Gabriel C. inskenoi vdekjen e tij me qëllim për të shpëtuar nga hakmarrja e mafies shqiptare.
Që nga plagët e shumta në trup e deri tek mbishkrimi në gjoks “hajdut”, 32-vjeçari, i njohur ndryshe me pseudonimin “Gishtat e gjatë” ishte përpjekur që vrasja të dukej e vërtetë.
Pas hetimeve të kryera, rezultoi se gjithçka ishte një inskenim i përgatitur nga një artist profesional makijazhi.
Në tetor të këtij viti, ai shpërndau një certifikatë nga policia e Gambias, ku thuhej se ai është mbytur në një liqen. Mediat thonë se ai del në publik vazhdimisht me paruke,
Portali ‘7sur7’ shkruan se dyshohet që 32-vjeçari i ka vjedhur një sasi prej 1500 kg kokainë mafies shqiptare.
Fillimisht u tha se droga ishte sekuestruar nga autoritetet doganore. Por kur shqiptarët konstatuan se droga po qarkullonte në treg, për shkak se ajo kishte një logo të veçantë, kuptuan që ishin mashtruar.
Që atëherë, me objektivin për t’u hakmarrë, kanë ndodhur një seri sulmesh. Në banesën e prindërve të Gabriel C. është hedhur një granatë. Ndërsa dhëndri i tij u qëllua me plumb në stomak një ditë më pas.
