Ish-kryeministri Berisha dje mori goditjen e dytë të fortë. Marrë shkas nga vendimi i Britanisë së Madhe, në horizont duken ditë jo të të mira për Berishën dhe PD-në. Nikoll Lesi, teksa shpërndan një shkrim nga “Zëri i Amerikës”, sjell në vemendje pasojat që do ketë PD-ja dhe se kush është personi që do ketë më shumë avantazh.
Sipas tij, mundet që edhe Gjykata e Apelit në Tiranë nën këtë presion anglo-amerikan, të japë vendim për t’ia dhënë siglën e PD-së, grupit të Bashës. Ajo çfarë me gjasë mund të ndodhë është që PD-ja mos të ketë më pushtetin, ndërsa paralajmëron ditë të vështira për Berishën.
Kryetari i PD-së Sali Berisha konfirmoi se qeveria e Britanisë së Madhe e ka shpallur të padëshirueshëm në Mbretërinë e Bashkuar për akuzat se ka lidhje me grupet kriminale si dhe për korrupsion. Akuza këto që u mohuan kategorikisht nga vetë ai.
Shkrimi i Lesit
Sot u njoftua nga vetë Sali Berisha se edhe Britania e Madhe e ka shpallur person “nongrata”. Bile kjo e Britanisë se Madhe ishte edhe më e rëndë sepse e akuzonin edhe si të lidhur me grupe të rrezikshme kriminale që cenojnë sigurinë e Britanisë, por edhe të Shqipërisë.
Me poshtë mund të lexoni se çfarë shkruan saktësisht sot “Zëri i Amerikës”:
Ish-Presidenti Sali Berisha u shpall sot non grata nga Britania e Madhe për lidhje me grupe të krimit të organizuar dhe pasurim përmes korrupsionit për vete dhe rrethit të njerëzve pranë tij.
Në letrën zyrtare nga Londra drejtuar zotit Berisha theksohet se ai mban lidhje me kriminelë që paraqesin rrezik për sigurinë publike në Shqipëri dhe Mbretërinë Bashkuar, të cilat ai është i gatshëm t’i përdorë për të arritur ambicjet e veta politike.
Përmbajtjen e njoftimit e bëri publike vetë zoti Berisha, i cili i hodhi poshtë këto akuzua si “vazhdim i shpifjeve dhe gënjeshtrave” të sponsorizuara nga Edi Rama dhe “lobimit korruptiv” të tij dhe George Soros.
“Kjo synon kthimin e Shqipërisë në një vend pa opozitë, së cilës i rripet çdo pasuri, e nga e cila shqiptarët ikin nga sytë këmbët. Kjo synon mbajtjen në pushtet të një qeverie, më e korruptuara në Europë” – tha zoti Berisha.
Departamenti amerikan i Shtetit njoftoi në maj të vitit të kaluar ndalimin e hyrjes në territorin e Shteteve të Bashkuara, për ish kryeministrin Sali Berisha e familjen e tij, për shkak të “akteve të rënda të korrupsionit” dhe “minimit të demokracisë”.
Pra këtë njofton VOA.
Nisur nga ky vendim i Britanisë së Madhe duken kohë jo të të mira për BERISHËN dhe PD.
Mundet që edhe gjykata e Apelit në Tiranë nën këtë presion anglo-amerikan të japë vendim për t’ia dhënë siglën e PD-së, grupit të Bashës.
Por edhe nëse ia lënë Saliut e ardhmja e opozitës do të jetë me re të zeza dhe nuk e shikon dot pushtetin.
Natyrisht që kjo favorizon Edi Ramën.
Opozita duket shumë larg pushtetit pas këtij vendimi britanik.
