Ka përfunduar gara për kandidatët jo gjyqtarë, që synojnë tre vende në Gjykatën e Lartë. Ndër 21 emrat e publikuar, gjenden edhe emrat e ish-Prokurorit të Përgjithshëm të përkohshëm, Theodhori Sollaku, drejtori i Shkollës së Magjistraturës, Sokol Sadushaj, njerëz që vijnë nga bota akademike si Ervin pupe dhe Kestrin Katro apo edhe ish-zyrtarë të ish-KLD si Ilir Panda.
Të interesuarit kanë pasur dy javë kohë që të shprehin interesin e tyre duke dorëzuar dokumentacionin përkatës. Duke iu referuar rregullores, faza e përzgjedhjes do të kalojë në 5 etapa, duke filluar nga shqyrtimi dhe miratimi nga Komisioni i projektvendimit paraprak të vlerësimit dhe pikëzimit të kandidatëve.
Vetë qeveria e gjyqësorit pritet të hapë garën edhe për 16 vende të tjera për këdo që është pjesë e gjyqësorit dhe që ka ambicie Gjykatën Supreme, e mbetur prej muajsh në pikën më të vështirë të saj.
Kandidatë jo gjyqtarë për në Gjykatën e Lartë:
- Sergjio Mazreku
- Ndue Pjetra
- Ergys Meta
- Jetmira Rragami
- Aldona Sulaj
- Jordan Daci
- Lindita Troja
- Alma Loci
- Hermina Albunesa
- Rezarta Melo
- Agron Malaj
- Ervin Pupe
- Theodhori Sollaku
- Irena Nino
- Vjosa Bodo
- Shaqir Hasanaj
- Kestrin Katro
- Sokol Sadushaj
- Ilir Panda
- Ardita Buna
- Anton Lleshaj
