Për shkak të festës së Kurban Bajramit është vendosur që të bëhet armëpushim në Libi për tre ditë rresht. Sipas raportimeve të mediave të huaja armëpushimi përfshin Qeverinë e Marrëveshjes Kombëtare dhe gjeneralin, Khalifa Haftar.
Kujtojmë se Forcat e Haftar kanë sulmuar me armë Tripolin që nga muaji prill. Ahmad al-Mesmari, zëdhënësi i gjeneralit Haftar, ka deklaruar se kanë rënë dakord me armëpushimin, me qëllim që banorët të festojnë këtë festë kaq të rëndësishme për myslimanët, shkruajnë mediat botërore.
Organizata e Kombeve të Bashkuara ka thënë se që nga prilli, kohë kur forcat e Haftar sulmuan Tripolin, kanë vdekur më shumë se 1000 njerëz.
