Sport

Festimi special i Rashford bën kuriozë tifozët: Pse me shqiponjën e Shqipërisë?

               Publikuar në : 20:28 - 11/08/19 user tir

Mançester Junajtid triumfoi me rezultatin 4-0 kundër Çelsit, në ndeshjen e parë në Premier Ligë këtë sezon për të dyja skuadrat. Ishte Markus Rashford, ai i cili hapi sfidën me një gol nga pika e bardhë e 11-metërshit, për të kaluar skuadrën e tij në avantazh.

Është pikërisht ky episodi i cili po tërheq vëmendjen e të gjithëve, teksa pas shënimit të golit sulmuesi anglez shënoi me shqiponjën. Një festim i veçantë ky nga 21-vjeçari të cilin nuk e kemi parë më parë. Për këtë po flasin shumë edhe tifozët, të cilët e lidhin festimin e tij me Shqipërinë.

Në “Twitter”, tifozët shkruajnë: “Pse Rashfordi, festoi me shqiponjën e Shqipërisë?”. Gjithsesi rreth këtij festimi sulmuesi do të flasë më vonë dhe do të sqarojë gjithçka, nëse ka ose jo lidhje me Shqipërinë.

Kthehu
WhatsApp Denonco ne TT