Së fundmi ka hyrë në Kosovë kamioni i parë me mallra nga Serbia.
Zyrtarët e Doganës se Kosovës kanë konfirmuar informacionin e mësipërm.
Adriatik Stavileci, zëdhënës në Doganën e Kosovës, në një prononcim për “Radio Evropa e Lirë”, tha se “mbrëmë Dogana ka filluar zbatimin e vendimit të Qeverisë se Kosovës, për të hequr taksën 100 për qind për importet e lëndës së parë nga Serbia dhe Bosnje Hercegovina”.
Sot është bërë zhdoganimi i lëndës së parë (produkte ambalazhuese) e cila ka kaluar sipas vendimit të Qeverisë së Kosovës.
Në vendimin e marrë nga Qeveria Kurti thuhet se nga mesanata e datës 20.03.2020 do të hapen gjashtë pikat kufitare mes Kosovës dhe Serbisë, për importimin e lëndës së parë.
