Pavarësisht se qeveria i reklamon qentë si shokë të njeriut, mishi i tyre vijon ende të tregtohet si ushqim në tregjet e Yulin në pjesën jugore të Kinës. .
Një organizatë joqeveritare ka paralajmëruar se tregtia e vazhdueshme e mishit të qenve, mund të paraqesë rreziqe të shëndetit publik në formën e sëmundjeve të reja.
“Ne e kuptojmë se pandemitë janë shkaktuar nga një përqendrim i madh i kafshëve të specieve të ndryshme – kafshë me sistem imuniteti të kompromentuar.
Shumë qenë janë të tillë, në përqendrim të madh dhe me probleme të mëdha psikologjike dhe fizike. Mishi i qenve është një vatër e mundshme për një pandemi”, tha Dr Peter Li, specialist i politikave në Kinë në Humane Society International, për Sky News.
Aktivistët kinezë që vizituan Yulin vlerësuan se 400 qen dhe 200 mace po shiteshin çdo ditë këtë javë. Pamjet shqetësuese në Sky News tregojnë stalla ku varen trupat e kafshëve. Qentë akoma të gjallë mbahen në një kafaz të kyçur pranë një tavoline kasapi.
