Presidenti i Turqisë, Rexhep Tayyip Erdogan u shpreh se forcat e tij në Siri kanë arritur të kapin njërën prej grave të Abu Bakr al-Bagdadi, së bashku me motrën dhe vëllain e tij.
“Shtetet e Bashkuara thanë që Bagdadi vrau veten në një tunel. Ata filluan një fushatë komunikimi për këtë.
“Por, unë po e njoftoj për herë të parë këtu. Ne kapëm gruan e tij dhe nuk bëmë një bujë si ata. Në mënyrë të ngjashme, ne gjithashtu kapëm motrën dhe vëllain e tij në Siri”, tha Erdogan gjatë një fjalimi në Universitetin e Ankarasë.
Turqia zbuloi në fillim të kësaj jave se kishte kapur motrën më të madhe të al-Bagdadit, Rasmiya Awad. Kjo e fundit u gjet brenda një rimorkio me familjen e saj në Siri.
