Ambasadori i Shqipërisë në Turqi, Kastriot Robo, teksa foli për tërmetin shkatërrimtar në Turqi, tha se ende nuk dihet sa persona ka të lënduar. Në një lidhje telefonike me “News24”, ai foli për situatën e krijuar në Izmir, ndërsa vuri në dukje se aty jetojnë edhe shumë shqiptarë. Kastriot Robo u shpreh se situata është kritike, dhe se po bëhet çështë e mundur që situata të përballohet.
“Tërmeti ishte shumë i fortë, 6.6 ballë sipas minsitrit të jashtëm turk. Deri më tani 6 godina janë shembur, është krijuar një situatë paniku në Izmir. Është një tërmet me të vërtetë shkatërrues.
Unë kam bërë dy komunikime me banorë në Izmir, ka hamendësime që nën rrënoja mund të ketë viktima. Me saktësi nuk e dimë, por është një qytet ku ka shumë shqiptarë, ka edhe shtetas shqiptarë të ardhur rishtazi, së fundmi.
Jam në kontakte të vazhdueshme me ta, nuk kam një informacion të qartë. Mbani parasysh që situata është kritike. Po bëhet e pamundura që situata të përballohet”, tha ai.
