Një ditë më parë ra në prangat e policisë këngëtari Arkimed Lushaj, i njohur ndryshe si “Stresi”. Pretendohet se ai është pjesë e një grupi kriminal, që trafikonin drogë.
Ndaj tij, Gjykata e Shkallës së Parë Tiranë ka vendosur masën e sigurisë “arrest me burg”, në lidhje me veprën penale “Prodhim dhe mbajtje pa leje të armëve luftarake”.
Në po të njëjtën ditë, reperi kishte ndarë me ndjekësit një foto, teksa ndodhej në krahë të nënës së tij. Sapo janë njoftuar për arrestimin e tij, ndjekësit i kanë uruar lirim sa më të shpejtë nga burgu.
Stresi është arrestuar brenda një hoteli, ku ishte me një vajzë 20-vjeçare. Pas ndalimit në hotel, Lushaj është transportuar në Drejtorinë e Policisë së Tiranës, për veprimet e mëtejshme proceduriale.
Bashkë me Stresin në hotel ishte edhe një vajzë, e cila është proceduar penalisht nga ana e policisë. Mbetet ende mister identiteti i saj.
Njoftimi i policisë për vajzën:
Nga veprimet hetimore të kryera në lidhje me ngjarjen e mësipërme, filloi procedimi penal në gjendje të lirë në lidhje me veprën penale të ‘Moskallëzimit të krimit’, ndaj shtetases P.Ç., 20 vjeçe, banuese në Tiranë.
