Që ishin zënë e nuk flisnin më me njëra-tjetrën, këtë e pranuan edhe vetë moderatorët e “Boom” në Ora News. Edhe që Rozana nuk ishte në dasmën e mikeshës së saj, gjithashtu u kuptua, por arsyeja e vërtetë e zënkës së gjatë 6-muajore, nuk u kuptua cila ishte. Askush nuk e dinte pse një miqësi 24-vjeçare u kris dhe bëri derisa vetë Rozi dhe Fiori folën.
Të ftuara në emisionin “Thumb” Fiori dhe Rozana kanë sqaruar për herë të parë publikisht se përse nuk folën për një kohë të gjatë.
Rozana: “Ne jemi zënë, se ti nuk më lë të flas. ”
Fiori: “Ne u zumë me të vërtetë. Rozit i mbushën mendjen top që unë nuk e lija të fliste. Që unë kisha gjithë protagonizmin në emision dhe kjo ishte hija për të më bërë fresk mua. Një ditë të bukur, unë u zgjova dhe thashë po e lë Rozin të flasë. Ishin fillimet e emisionit, unë kisha më shumë eksperiencë, Rozi e kishte për here të parë. Ne tani e dimë kush ia mbushi mendjen. Dhe kështu lindi debati, sepse në dialogun që zhvillojmë në emision nuk ka skenar. Unë nuk i fola e para.”
Rozana: “Me Fiorin, zihesh duke ngrënë bakllava. Zihemi shumë herë. Ne, kur zihemi, ndërpresim komunikimin. Mamaja e Fiorit dhe motra ime tentuan të na pajtonin, por ne nuk pranonim”,- thanë moderatorët.
Gjithsesi, e dinë mirë dhe e njohin mirë njëra-tjetrën. S’mund ta mbajnë gjatë zemërimin.
