Policia identifikon autorin e dyshuar të plagosjes në vendin e quajtur “Zogu i Zi”, në Fier. Sot rreth orës 16:30 ka shkuar në Spitalin Rajonal Fier i plagosur me mjet prerës shtetasi D.V, 16 vjeç, banues në Hoxharë të Vjetër.
Mësohet se Vrenozi është plagosur nga 17-vjeçari, shtetasi F.G. Ky i fundit është shpallur në kërkim si autor i dyshuar i vrasjes dhe po punohet për kapjen e tij.
Shtetasi i dëmtuar ka ndërruar jetë në Spitalin Rajonal Fier. Është ngritur grupi hetimor dhe po punon për zbardhjen e plotë të rrethanave të ngjarjes.
Forca të shumta policie nga Komisariati i Fierit dhe nga Sektori për Krimet e Rënda kanë ngritur pika të shumta kontrolli dhe po punojnë për kapjen e autorit.
