Presidenti i vendit Ilir Meta mori zyrtarisht detyrën më 24 korrik pasi bëri betimin para Kuvendit. Pas betimit pati një ceremoni të shkurtër në Presidencë ku Bujar Nishani e kaloi detyrën te Presidenti i ri i zgjedhur Meta.
Zyrtarisht Ilir Meta është presidenti i ri i vendit në detyrë për më shumë se 24 orë. Kjo do të thotë që dhe faqja e uebit duhet të ketë informacione rreth presidentit të ri. Po të klikojmë në këtë faqe shohim që president është akoma Bujar Nishani dhe zonjë e parë është Odeta Nishani.
Në dukje është një gabim i vogël dhe pa rëndësi por vëmendja që merr ky institucion në momentet që ndërrohet Presidenti ka vëmendjen më të madhe mediatike kombëtare dhe ndërkombëtare. Jo çdokush është i informuar sa duhet për kreun e shtetit dhe zonjën e pare dhe ndaj si burim për të marrë këtë informacion përdor presidenca.al.
Në uebin e presidencës ne shohim vetëm një foto të presidentit Meta me fëmijët që është dhe foto kryesore sapo futesh në faqe por nuk më pas asgjë nuk ka ndryshuar. Personat përgjegjës që e kanë për detyrë punën e përditësimit të informacionit në faqe ta bëjnë atë sa më parë. Këto tre ditë gjithkush kërkon të mësojë sa më shumë informacion për presidentin e ri ndaj ky problem duhet të marrë zgjidhje sa më parë.
