Historia rrëqethëse e familjes Shima, preku zemrat e publikut të gjerë. Tre djemtë e familjes, kërkonin ushqim, shkollim, shtëpi dhe dashuri. Menjëherë pas publikimit të videos nga “Tirana Today”, rasti u mor përsipër nga Fondacioni “Fundjavë Ndryshe”, i cili në shumë raste ka mison të tij humanitar të ndihmojë të varfrit dhe më të pamundurit.
Drejtori i fondacionit Arbër Hajdari, sot me anë të një reagimi në rrjetin e tij social “Facebook”, shkruan e tre djemtë u rikthyen në shkollë dhe Ismaili do të nisë punë në një biznes.
“Normalizohet jeta e fëmijëve që lëvizën zemrat e të gjithë shqiptarëve! Gëzimi, Arbeni, Ergysi janë rikthyer shkollës. Ismaili do të nisë punë aty pranë në një biznes. Gjithashtu u bë projekti i shtëpisë dhe nis këtë javë. Ju duam shumë të gjithëve ♥️ #fundjavendryshe #hope Shpërndaje/Share”, shkruan Hajdari.
https://tiranatoday.com/tre-femije-jetojne-ne-mjerim-fundjave-ndryshe-merr-persiper-tu-ndertoje-shtepine/
Normalizimi i gjendjes së kësaj familje ka ardhur falë të gjithë atyre që kanë kontribuar , sepse numri i personave të interesuar ka qenë shumë i madh. Ndaj falënderimi pa diskutim shkon për gjithë ata shqiptarë që bënë të pamundurën të mundur për këtë familje.
https://tiranatoday.com/apeli-i-tre-femijeve-shoket-na-perbuzin-mesuesja-na-rreh-se-jemi-te-varfer/
Por, së shpejti familja e Ismail Shimës, e cila jeton në Kashar do të bëhet me shtëpi. Isamili jeton me bashkëshorten Flutura, e cila është e sëmura dhe 3 djemtë, Gëzimi 13 vjeç, Arbeni 11 vjeç dhe Ergysi 8 vjeç ./TIRANA TODAY/
