Shumë shpejt pritet që të publikohet në “Netflix” një dokumentar i ri për Princeshë Dianën që titullohet “Being Me: Diana”.
Raportohet se në dokumentar do të zbulohen sekrete rreth jetës së saj që nuk i dinim.
Aty do të trajtohet fëmijëria e vështirë, çrregullimet e të ngrënit, beteja me shëndetin mendor, martesa e palumtur me Charles dhe 4 përpjekjet e saj për të vrarë veten.
“Mbretërorët do të refuzojnë të marrin pjesë ashtu si edhe familja e Diana-s. William dhe Harry do të mërziten. Veçanërisht Harry, sepse ai është duke bashkëpunuar me Netflix. Në këtë kohë, mbretërorët pësuan një goditje nga largimi i Harry-t dhe Meghan-it dhe nuk është momenti”, u shpreh një burim sipas “Cosmopolitan”.
Ky dokumentar, i cili do të jetë me katër pjesë, mendohet se do të trazojë jetën e mbretërorëve.
