Ditën e sotme është tentuar trafikimi i 97 kilogramëve drogë, duke shfrytëzuar edhe fluksin në kufirin e Kakavijës.
Lënda narkotike ishte fshehur në dy çanta në bagazhin e autobusit të linjës Sarandë-Athinë. Mësohet se marijuana ka arritur t’i shpëtojë palës shqiptare, pra policisë në Kakavijë, ndërsa është kapur nga pala greke.
Në bagazh janë gjetur 2 çanta me nga 16 pako që përmbanin në total 97 kg e 750 gr lëndë narkotike të tipit marijuanë. Gjithashtu janë sekuestruar edhe ën cilësinë e provës materiale 955 euro, 2 dollarë, leje qarkullimi dhe 2 celularë.
Shoferi i autobusit është vënë në pranga, ndërsa nuk dihen detaje të reja se kush e posedonte lëndën narkotike.
