Të gjitha qytetarët të cilët duhet të regjistrojnë adresën e vendbanimit duhet të jenë të pajisur me kartë identiteti, pasi pasaporta nuk njihet si dokument identifikimi.
Emisioni investigative BOOM, në RTV Ora News ka bërë një vëzhgim për të parë se çfarë heqin qytetarët për të regjistruar vendbanimin, sipas një urdhëri të nxjerrë nga Drejtoria e Përgjithshme e Gjendjes Civile. Kjo e fundit vuri si afat 27 korrikun e këtij viti për deklarimin e vendbanimit për shtetasit që e kanë ndryshuar atë. Në rast të kundër do të aplikohej masa e gjobës prej 10. 000 lekësh të reja.
BOOM nisi vëzhgimin e tij nga një ankesë e ardhur në emisionin “Ora Juaj” të gazetarit Patrik Sadikaj.
Qytetari nga Fieri shprehu shqetësimin se nuk mund të ndryshonte dot vendbanimin e tij, pasi një djalë e kishte në Amerikë dhe zyra e gjendjes civile nuk i njihte pasaportën, por vetëm kartën e identitetit të cilën ai nuk e kishte.
Gazetarët e BOOM kanë qenë në disa njësi administrative, ku kanë pyetur në lidhje me këtë problem qytetarët dhe punonjësit e gjendjes civile. Sipas tyre zgjidhja e vetme për të realizuar këtë proces ka qenë, nxjerrja e kartave të identitetit.
