Në njësitë vendore, ku territori administrohet nga opozita me kryebashiakë të PD-së apo dhe të LSI-së, KQZ ka propozuar ndryshimin e disa Qendrave të Votimit, duke i zhvendosur ato nga shkollat, në Qendra Shëndetësore.
Pas kësaj ka reaguar ish-deputeti demokrat, Tritan Shehu i cili e quan një sandal të vërtetë këtë akt.
Në një postim në Facebook, Shehu shprehet se kemi të bëjmë me një denigrim të thellë dhe mungesë respekti për sistemin shëndetësor dhe ironizon se do ishte më mirë që t’i vendosnin në sallën e operacionit.
“Lajthitje nën panik e KQZ-së dhe atyre që e urdhërojnë, kërkojnë të gjejnë ‘vrimë miu’. Skandal i vërtetë ajo që lexova, KQZ vendos që një pjesë e qendrave të votimit të transferohen nga shkollat apo diku tjetër ku janë, në Qendrat Shëndetësore!
Ish-deputeti i bën thirrje Ministrisë së Shëndetësisë për këtë vendim të cilin ai e quan absurd duke u shprehur se këto qendra nuk janë rinovuar për t’u kthyer në “bunkerë paligjshmërie e injorance”.
Postimi i plotë:
KQZ kerkon “vrime miu”!
Lajthitje nen panik e KQZ dhe atyre qe e urdherojne, kerkojne te gjejne “vrime miu”!
Skandal i vertete ajo qe lexova, KQZ vendos qe nje pjese e qendrave te votimit te transferohen nga shkollat apo diku tjeter ku jane, ne Qendrat Shendetesore!
Une do tu propozoja per te qene me te “sigurte” e izoluar t’i vendosin ne Sallat e Operacionit.
Nuk mendoja se marrezia e injoranca mund te arrinte deri ne kete pike.
Por ketu kemi te bejme edhe me nje denigrim te thelle, mungese ekstreme njohje e respekti per sistemin tone shendetesor, personelin e punen e tij.
Ku eshte Ministira e Shendetesise ne kete vendim absurd.
Apo prandaj deklaronte qe po i rinovonte keto Qendra, per t’i kthyer ato ne “bunkere” paligjeshmerie e injorance!
