Ndryshimet ligjore për kontrollin e automjeteve, apo siç njihet, kolaudimin, kanë sjellë pyetje të ndryshme mes përdoruesve. Një nga shqetësimet e përdoruesve të mjeteve është ai i afatit të pagesave për taksat vjetore.
Ka qenë vetë Drejtori i DPSHTRR-së, Blendi Gonxhe që ka dhënë sqarimin për qytetarët. “Taksat, siç e dini, kanë një afat deri në 365 ditë. Keni kohë 365 ditë, nga data kur e keni paguar. Nëse e keni paguar në qershor 2020, juve duhet brenda që qershorit të vitit 2021të paguani taksat tuaja vjetore që janë të vitit 2021. Për këtë ne do të sofistikojmë shërbimin online”, tha Gonxhe.
Ai ka sqaruar se, përdoruesit e mjeteve do t’i paguajnë taksat vit pas viti, ndërsa kolaudimi është një herë në dy vjet. Gjithashtu, Gonxhe ka shpjeguar edhe përjashtimet.
“Për mjetet e reja nuk do të ketë kolaudim tre vitet e para sepse e konsiderojmë tëtepërt. Janë mjete në gjendje perfekte, nuk ka çfarë të kolaudojmë në këto mjete, ato kontrollohen në kontroll fizik kur marrin targat ditën e parë dhe pastaj aty bëhet i gjithë kontrolli i plotë i automjetit. Koncesionari ose shitësi i makinës me 0 km është garanti me një faturë që e ka shitur këtë makinë apo makinë e zhdoganuar sërisht me një faturë, që kjo makinë me 0 km mund të dalë në rrugë”, tha Gonxhe./ Tirana Today
