Presidenti Ilir Meta ka dalë sot në një konferencë për mediat, për të folur në lidhje me ndryshimet kushtetuese.
Kreu i shtetit u shpreh se lëvizja e shumicës për hapjen e listave zeron marrëveshjen e 5 qershorit. Meta iu bëri thirrje palëve politike që t’i qëndrojnë marrëveshjes. Sipas tij, ndryshimet të njëanshme të Kushtetutës janë në kundërshtim me komisionin e Venecias.
“Përmbyllja e reformës zgjedhore do të konsiderohej si kushti i parë i plotësuar. Iniciativa e shumicës për të ndryshuar kushtetutën e prish marrëveshjen e 5 qershorit dhe e zeron këtë arritje të Shqipërisë dhe dëmton edhe kredibilitetin e ministrit të jashtëm edhe si kryetar i OSBE-së (Edi Rama). Propozimi për ndryshimet kushtetuese zeron përpjekjet. Palët t’i qëndrojnë marrëveshjes, kur për këtë janë investuar edhe SHBA, Britania dhe BE-ja. Këto ndryshime të njëanshme janë në kundërshtim me komisionin e Venecias. Ndryshime të sistemit duhet të nisin një vit para zgjedhjeve. Këtë qëndrim e ka mbajtur edhe zyra e OSBE-së që ka thënë se është shumë vonë”, tha ai.
