Pasditen e sotme u mblodh në selinë blu kryesia e Partisë Demokratike e cila diskuton për ndryshimet statutore të partisë. Ndërkohë, grupi i punës mblodhi rekomandime dhe propozime për ndryshimet statutore.
Në takim kritiku i kryetarit Basha, Arben Imami pyeti nëse kuvendi do te jete statutor apo zgjedhor. Basha i cili preferonte statusor, i hodhi në votim çështjet qe ngriti Imami
“ Duhet vendosur ne statut rregull për mandatin e kryetarit nëse humb zgjedhjet. Le te zgjidhet edhe me deklarate politike nga ana e kryetarit, por te vendoset si parim. Këshilli kombëtar të ketë kryetar dhe te jete organ autonom,” u shpreh Imami.
Sekretari i Përgjithshëm Arben Ristani prezantoi dokumentin e grupit të punës. Anëtari i kryesisë së Partisë Demokratike, Gent Malko tha se nuk ishte dakort 100 % me draftin.
“Është një material qe e njoh vetëm tani. Edhe pse isha anëtar i grupi të punës. Nuk i them i mirë apo i keq. Po te ishte diskutuar ne grup edhe me mua,” tha Malko.
Kryesia mori vendim me shumice votash qe kuvendi i 28-29 prillit te jete vetëm për ndryshimet ne statut dhe jo kuvend zgjedhor.
