Deputeti Nard Ndoka, nuk është kundër djegies së mandateve. Sipas tij, në fillim është bojkoti, e më pas djegia e mandateve. Përmes argumenteve, ai tha në emisionin“Natë me Xhaxhiun” se ky është realiteti politik, për të cilën po bëjnë shumë përpjekje për të dalë nga ky kaos.
“Unë nuk jam kundër djegies së mandateve. Djegia e mandateve është një etapë. Është bojkoti, pastaj djegia e mandateve. Kur të fillojmë protestat, normalisht etapa tjetër është djegia e mandateve dhe shkëputja institucionale me Parlamentin.
Ky është realiteti politik. Ne jemi në një situatë ku kemi nevojë emergjente të Gjykatës Kushtetuese. Ne jemi gati të futemi në zgjedhje, qoftë dhe nesër, në sensin e përgatitjes programore dhe strukturale”, tha Ndoka.
Përsa i përket bashkëpunimit me partitë e tjera, Ndoka tha se LSI është një vlerë e shtuar për opozitën.
“Ne kemi pasur një problem me bashkëpunimet politike ndër vite. Unë gjykoj se LSI ka qenë si një vlerë e shtuar, si një garanci. Ka qenë dhe si burim, pasi i jep më tepër peshë opozitës”.
