Përhapja e koronavirusit në Indi ka bërë që vendi të vendoset në izolim total për 21 ditët e ardhshme.
BBC raporton se kryeministri i vendit, Narendra Modi ka vendosur që nga mesnata e sotme, vendi të mbyllet totalisht.
“Do të ketë një ndalim të plotë për lëvizjen jashtë shtëpive tuaja”, tha ai.
Deri më tani në Indi janë shënuar 9 viktima nga koronavirusi, ndërsa janë prekur gjithsej 482 persona.
Duke parë përhapjen e gjerë të koronavirusit në gjithë botën, këto shifra janë të vogla duke pasur parasysh edhe numrin e madh të popullsisë (1 miliardë 339 milionë banorë), edhe afërsisë gjeografike me Kinën(vendi i origjinës së këtij virusi).
