Italia po njeh dita ditës një përmirësim të ndjeshëm të bilancit nga pandemia e koronavirusit. Ndërkohë që ditën e sotme, vendi fqinj ka regjistruar numrin më të vogël të vdekjeve, në të paktën 6 javët e fundit.
Sipas mediave vendase, në 24 orët e fundit në Itali kanë humbur jetën 260 persona, 155 më pak se ditën e djeshme ku u regjistruan 415.
Ditën e sotme janë raportuar 2,324 raste të reja, duke e çuar në 197,675 numrin total të personave të infektuar nga COVID-19.
Vetëm në 24 orët e fundit janë shëruar 1,808 persona, teksa numri total i atyre që e kanë mposhtur virusin ka shkuar në 64,928.
Me një total prej 26,644 viktimash, Italia vijon të jetë vendi i dytë në botë më numrin më të madh të vdekjeve nga koronavirusi, pas SHBA-ve që regjistrojnë dyfishin e saj (54,791).
Numri i rasteve aktive në Itali është mbi 106 mijë, ndërsa 2 mijë prej tyre ndodhen në gjendje të rëndë shëndetësore.
