Shorti i Ligës së Kampionëve për raundin e 16-të që u hodh të hënën në qytetin zviceran të Nyonit ka bërë që të ndeshen dy skuadrat që kanë histori të mira dhe të hidhura nga njëra-tjera, Chelsea dhe Barcelona. I tillë është edhe eliminimi që ia bëri Barcelona skuadrës angleze në Stamford Brigde në vitin 2009 me një gol të Andres Iniestas nga distanca.
Ishte pikërisht ky gol dhe ky eliminim që iu shërbeu gjigantit katalunas për të thumbuar londinezët, duke thënë se kanë kujtime të mira nga Stamford Bridge.
Por, Blutë nuk kanë qëndruar duarkryq pasi edhe ata kanë shfrytëzuar profilin e tyre zyrtar në Twitter për t’ia kthyer me të njëjtën monedhë thumbimin Barçës.
Është goli i ish-kapitenit legjendar të klubit, John Terry, i cili shënoi golin e katërt në fitoren 4-2 të vitit 2005, gol ky që e kualifikoi tutje Chelsean.
What a header from JT! ?
Another special @ChampionsLeague night against Barcelona… pic.twitter.com/cJmtwS2CIN
— Chelsea FC (@ChelseaFC) December 11, 2017
“Çfarë goli me kokë nga John Terry! Një tjetër natë speciale në Ligën e Kampionëve kundër Barcelonës”, shkruar në profilin e Bluve.
