Përfundojnë pjesët e para të dy ndeshjeve të grupit B. Danimarka ka mundur në 45-minutëshin e parë Rusinë me rezultat minimal.
Një ndeshje mjaft e bukur dhe e luftuar nga të dyja skuadrat, teksa në minutën e 37-të u zhbllokua rezultati. U desh një lëvizje klasi dhe goditje perfekte nga jashtë zone e Damsgaard, talenti i Serie A dhe më i miri i Sampdorias sezonin e shkuar.
Sulmuesi i krahut pasi mori zotërimin e topit, ka depërtuar dhe më pas ka lëshuar një trajektore të paarritshme për portierin e Rusisë.
Ndërkohë, ndeshja tjetër midis Finlandës dhe Belgjikës ka përfunduar me rezultatin 0-0. Belgët, edhe pse janë kualifikuar, e kanë dominuar takimin, teksa heroi i finlandezëve ishte portieri i tyre, që shpëtoi skuadrën skandinave në shumë raste. Me një barazim, Finlanda do renditej e dyta e grupit dhe do kualifikohej.
Standings provided by SofaScore LiveScore
