E hënë, 24 Janar, 2022
-0.5 C
Tirana

Kryeministri spanjoll fal dënimet e 9 udhëheqësve separatistë katalonjas

Kryeministri spanjoll Pedro Sánchez tha të hënën se ai do të falë nëntë separatistë katalonjas të dënuar dhe të burgosur për rebelim për rolet e tyre në një referendum të vitit 2017 për pavarësinë katalonjase.

Njoftimi erdhi gjatë një fjalimi në kryeqytetin e Katalonjës, Barcelonë, për të ardhmen e rajonit.

Zoti Sanchez tha se kabineti i tij do të miratojë faljet të martën.

Dymbëdhjetë separatistë morën dënime të gjata me burg për rolet e tyre në mbajtjen e referendumit të ndaluar për shkëputjen në vitin 2017. Ata më pas shpallën pavarësinë disa ditë pas rezultateve. Unionistët bojkotuan referendumin, i cili u mbajt me një prani të madhe policore që synonte ta ndalonte atë.

Një nga separatistët, Oriol Junqueras, tha se faljet po jepeshin sepse qeveria kishte frikë nga përfshirja e Bashkimit Evropian në këto çështje, që ai tha se mund të kishte rrëzuar dënimet.

“Me këtë veprim, ne nxjerrim materialisht nëntë njerëz nga burgu, por simbolikisht i shtojmë miliona dhe miliona njerëz bashkëjetesës”, tha Kryeministri Sánchez gjatë fjalës së tij.

Faljet kanë qenë një çështje përçarëse në pjesën tjetër të Spanjës, me sondazhet kombëtare që tregojnë se 60% e spanjollëve janë kundër tyre.

Në fillim të këtij muaji, mijëra njerëz që kundërshtuan faljet dolën në rrugë në Madrid për të protestuar ndaj kësaj ideje dhe për të kërkuar dorëheqjen e Kryeministrit Sánchez./VOA

- Reklama -

Më shumë nga kategoria




Të fundit

Sulm ajror në burgun e Jemenit, të paktën 70 të vrarë

Të paktën 70 njerëz u vranë në një sulm ajror në një burg, dhe të paktën tre fëmijë vdiqën në një bombardim të veçantë,...

Shtetet e Bashkuara pezullojnë 44 fluturime të linjave ajrore kineze

Qeveria e Shteteve të Bashkuara njoftoi të premten pezullimin e 44 fluturimeve ajrore të katër kompanive kineze nga Shtetet e Bashkuara drejt Kinës. Pezullimi...

Caktohet data për zgjedhjet në FSHF

FSHF u ka dhënë fund dilemave, pasi është caktuar data e zgjedhjeve për president. Federata Shqiptare e Futbollit, i ka dhënë fund dyshimeve rreth...

Kosova sërish vend i rrezikut të lartë për Gjermaninë

Varianti Omikron ka shtuar ndjeshëm shifrat e infektimeve në Kosovë. Nga dita e dielë (23.01; 00:00) Kosova futet sërish në listën e vendeve të...

Armët vdekjeprurëse amerikane mbërrijnë në Ukrainë

Rreth 90 ton "ndihma vdekjeprurëse" nga SHBA-ja kanë mbërritur në Ukrainë, mes tensioneve për grumbullimin e trupave ruse në kufi. Kjo ishte dërgesa e...