Ish-ministri grek, Theodoros Pangalos ka deklaruar sot se suliotët ishin shqiptarë. Me anë të postimeve në rrjetin social “Twitter”, Pangalos ai nënvizon se suliotët, që hodhën foshnjat e tyre nga Zalogo 215 viteve më parë ishin tërësisht shqiptare. Duke iu referuar aktit heroik të 215 viteve më parë ku gratë suliote që ishin shqiptare kishin preferuar më mirë të vdisnin se sa poshtëroheshin.
“Ne e përdorim atë në greqisht, por nuk e dimë se ajo vjen nga fjala shqipe “lupi”. Suliotët, që hodhën foshnjat e tyre nga Zalogo, si sot e 215 vjet më parë, duke preferuar më mirë të vdisnin se sa poshtëroheshin, ishin tërësisht shqiptarë”, shkruan Pangalo.
Kaq ka mjaftuar që ish-ministri i njohur grek, ta gjente veten në luftë me sferën publike, trasmeton Dita. Shumë media greke e kanë konsideruar postimin e tij si provokim.
“Nuk ka grek që nuk e kupton fjalën lule. Ajo ka zëvendësuar plotësisht fjalën e vjetër greke, por shumë pak e dinë se origjina e saj vjen nga fjala shqiptare dafina.
Si sot, 215 vjet më parë, në malet e Prevezës, suliotët hodhën foshnjat e tyre në greminë dhe më pas u hodhën vetë. Ato preferuan më mirë të vdisnin, se sa të poshtëroheshin. Le të marri fund ngjyrosja e historisë dhe grekët ta dinë kush ka lindur në atë vend,” deklaron Pangalo.
