Heqja e aparaturave që mbanin në jetë Florenc Beqiraj ka shkaktuar reagime të shumta.
Jo vetëm familjarë, por shumë shqiptarë janë prekur nga çështja e Florencit, shqiptari që u masakrua në një burg në Francë.
Po ashtu, revoltë ka ngjallur edhe neglizhenca e shtetit shqiptar për rastin në fjalë, teksa Ministria e Jashtme deklaroi dje se nuk kishte asnjë version zyrtar, ndërsa nga ana tjetër merrte rolin e ekspertit teksa shkruante se i riu ka tentuar vetëvrasjen.
Është reperi shqiptar Noizy ai që shpesh ka apeluar për ndihmë për Florencin, madje ai publikoi një ditë më parë edhe bisedën me kryebashkiakun Veliaj, të cilit i kërkonte të ndërhynte për rastin në fjalë. Pas vdekjes së Florencit, të cilit mjekët ia hoqën aparaturat pa lejen e të atit, ka reaguar reperi, i cili shkruan se ndihet i tradhtuar nga pushtetarët.
