Sauthempton – Brajton 13:00
Brajton Hov Albion do të kërkojë t’i japë fund serisë së humbjeve dhe të zbehë shqetësimet për një rënie nga kategoria kur të ndeshet kundër rivalëve të ‘bregut të jugut’ Sauthempton në ndeshjen e parë të së dielës në Premier.
‘Pulëbardhat’ kanë humbur tre ndeshje radhazi dhe janë në nivelin e pikëve të treshes së fundit, ndërsa Sauthemptoni gjithashtu po kalon një periudhë të keqe, por janë shtatë pikë më lart në vendin e 14-të.
Leister – Shefilld 15:00
Leister Siti do të mundohet të konfirmojë veten midis katër të parëve në Premier Ligë kur të përballet me Shefilld Junajtid të fundit në King Power Stadium në ndeshjen e orës 15:00.
‘Dhelprat’ u kthyen tek fitorja ndeshjen e kaluar dhe janë pesë pikë para vendit të pestë, ndërsa Shefilldi që dje shkarkoi trajnerin që i drejtoi për mbi 200 ndeshje, Kris Uajlder është favoriti kryesor për rënien.
Arsenal – Totenhem 17:30
Një nga ndeshjet më të rëndësishme në kalendarin e Premier Ligës do të zhvillohet pasdite në Emirates Stadium, kur Arsenali të presë Totenhemin për të luajtur derbin e Londrës veriore.
Arsenali aktualisht është në vendin e dhjetë në renditje, pasi ka marrë vetëm 38 pikë nga 27 ndeshje këtë sezon, ndërsa Totenhemi zë vendin e shtatë, pesë pikë prapa Chelsea-t të vendit të katërt me një ndeshje më pak.
Murinjo ka humbur vetëm dy nga 22 ndeshjet e tij si trajner kundër topçinjve. Arsenali sigurisht ka treguar përmirësime në javët e fundit, dhe janë më se të aftë për t’ia vështirësuar këtë pasdite rivalëve të tyre, spërsave.
Formacionet e mundshme:
Arsenali: Leno; Bellerin, Luiz, Mari, Tierney; Xhaka, Partey; Saka, Odegaard, Pepe; Aubameyang
Totenhemi: Lloris; Doherty, Sanchez, Alderweireld, Reguilon; Hojbjerg, Ndombele; Bale, Lucas, Son; Kane
Mançester Junajtid – Uest Hem 20:15
Një nga duelet më të forta të kësaj jave në Premier Ligën angleze do të zhvillohet në mbrëmje, në Old Trafford, kur Mançester Junajtid të presë në shtëpi Uest Hemin surprizë të drejtuar nga David Mojes, ish trajner I Junajtid.
Mançester Junajtid aktualisht është i dyti në renditje, 17 pikë prapa udhëheqësit Mançester Siti, ndërsa dhe gjashtë pikë mbi Uest Hemin, i pozicionuar në vendin e pestë, dhe po kërkon me ngulm një nga katër vendet e para
Formacionet e mundshme:
Junajtid: Henderson; Wan-Bissaka, Lindelof, Maguire, Shaw; Fred, McTominay; Rashford, Fernandes, James; Greenwood
Uest Hem:Fabianski; Dawson, Diop, Cresswell; Coufal, Soucek, Rice, Johnson; Bowen, Antonio, Fornals
