Banorët e Astirit kanë dalë sërish në protestë para ambienteve të Bashkisë së Tiranës. Ata janë bërë bashkë në mbrojtje të pronave të tyre, duke kërkuar një zgjidhje për strehimin.
Shumë prej banorëve shprehen të revoltuar me kryebashkiakun Erion Veliaj. Një prej tyre thotë se Veliaj po ndërton shtëpi publike për qentë, e ndërsa banorët po i nxjerr në rrugë.
“Kam paguar çdo taksë. Pse po na dënon me vdekje? Le të vijë të na bëjë varrin aty, ne shtëpinë nuk e lëshojmë. Si do të jetojmë ne. Ai ndërton shtëpi publike për qentë, ne na nxjerr në rrugë. I kemi ndërtuar me gjak. Turp! Turp! Turp!”, shprehet i indinjuar një banor.
Protestuesit kanë vendosur që të qendrojnë para Bashkisë, deri sa të marrin një përgjigje konkrete nga përfaqësues të Bashkisë për zgjidhjen e strehimit të tyre.
