Policia britanike ka nisur hetimet për vrasjen e një shqiptari si dhe ka arrestuar tre persona si të dyshuar për ngjarjen.
Bëhet fjalë për shtetasin Jozef Boci 30 vjeç, i cili u dhunua në rrugë në 17 shkurt dhe si pasojë e plagëve të marrë ndërroi jetë të premten, shkruan BBC.
Policia dhe se Boci, i cili është nga Shqipëria por jetonte në Catfrod të Anglisë u sulmua pas një sherri ndërmjet dy grupesh te pub-i North Pole në orët e para të mëngjesit.
Ambulanca ishte lajmëruar rreth orës 12.15 të natës dhe zona mbeti e rrethuar nga policia edhe të nesërmen.
Boci ishte dërguar në spital në gjendje të rëndë dhe ndërroi jetë sot, një javë pas sulmit.
Si të dyshuar për ngjarjen janë vënë në pranga tre meshkuj, të moshës 20, 21 dhe 29 vjeç dhe tani ata ndodhen të arrestuar në një komisariat policie në jug të Londrës.
