Është ndarë sot nga jeta Nehat Kulla, i njohur ndryshe si “gjenerali” i bandës famëkeqe.
67-vjeçari kishte disa kohë që kishte përfunduar dënimin prej 20 vitesh në burgun e Fushë Krujës. Ai u dënua për vrasjen e Halim Gjuzit, shoferin e ish-ministrit të Brendshëm, Halit Shamata, në vitin 1998 në Golem.
Më 29 qershor 2018, Nehat Kulla iu drejtua Gjykatës për lirim me kusht. Gjendja shëndetësore ishte një nga argumentet e Kullës për lirinë, por më pas hoqi dorë.
Emri i Nehat Kullës është i lidhur me një sërë ngjarjesh. Ai njihej si drejtuesi i njërës prej bandave që vepruan në vitin 1997.
