Këngëtari i njohur Little Richard është ndarë nga jeta në moshën 87-vjeçare.
Ai konsiderohet si një ndër themeluesit e muzikës “Rock’n’Roll”.
Revista “Rolling Stone” shkruan se lajmin e ka konfirmuar djali i artistit, Danny Peniman, ndërsa ende nuk dihen shkaqet e vdekjes.
Little Richard është bërë i njohur me shumë këngë që janë shndërruar në hite. Kënga e tij e parë daton në vitin 1956 dhe titullohet “Tutti Frutti”.
Ndërsa disa këngë të tjera të njohura nga ai janë: “Long Tall Sally”, “Rip It Up”, “Lucille” dhe “Good Golly” “Miss Molly”.
Little Richard, emri i vërtetë i të cilit është Richard Penniman, është konsideruar gjithmonë si një nga artistët më me ndikim në industri. Gjithashtu ai ka ndikuar në jetën dhe karrierën e shumë muzikantëve. Këngët e tij janë interpretuar nga grupet më të mëdha të muzikës, si “The Beatles”, “Everly Brothers”, “The Kinks”, “Scorpions” etj, shkruan “iconstyle”.
