Ndërhyrjet në zgjedhje, Biden kërcënon Putin: Do të paguajë çmimin që meriton

Presidenti amerikan, Joe Biden ka kërcënuar homologun e tij rus, Vladimir Putin për ndërhyrje në zgjedhjet presidenciale të SHBA-së në vitin 2020.

Biden paralajmëroi Putin se do ta paguante për të gjitha tentativat që ka bërë mbi ndërhyrjen në zgjedhje, shkruan Daily Mail.

“Ai do të paguajë një çmim. Pasojat do ta shihni së shpejti. Ai është një vrasës pa shpirt. Unë e njoh atë relativisht mirë dhe biseda filloi, unë thashë, “Unë të njoh ty dhe ti më njeh. Nëse vërtetoj se kjo ka ndodhur, atëherë jini të përgatitur”, ishin fjalët e Biden.

Komentet e Biden vijnë disa orë pas publikimit të një raporti nga Zyra e Drejtorit për Inteligjencë Kombëtare, që tregon se Putin ka autorizuar një varg organizatash qeveritare ruse që të ndikonin në operacione, me qëllim të denigrimit të kandidaturës së presidentit, Joe Biden.

Raporti i ri zbuloi se përfaqësuesit rusë u përpoqën të “pastronin” përpjekjet e tyre për të ndryshuar zgjedhjet në favor të Donald Trump përmes njerëzve të afërt me ish-presidentin.