Detaje të tjera kanë dalë në lidhje me autorin e grabitjes në Rinas, i cili mbeti i vrarë.
Burime për “BalkanWeb” bëjnë më dije se identifikimi i Admir Murataj rezultoi të ishte i vështirë për shkak të ndërhyrjeve kirurgjikale që viktima kishte bërë për të ndryshuar imazhin.
Mësohet se Murataj kishte bërë ndërhyrje në hundë dhe në mjëkër, si dhe kishte mbjellë flokë në pjesën e përparme.
Policia ka pasur dyshime se Murataj mund të kishte qenë anëtar apo pjesëtar i grupit të grabitësve, por kur është bërë këqyrja e kufomës nuk është gjetur ngjashmëri. Edhe kur janë marrë shenjat e gishtërinjve me aparaturën e ALEAT janë nxjerrë vetëm 5 elementë, ndërkohë që duhet të ishin 8 elementë që përputhen.
Më pas u kërkua ndihma e Greqisë dhe u bë identifikimi, kjo ishte dhe arsyeja se përse emri i viktimës së Rinas u zbulua nga mediat greke, ndërkohë vëllai i Admirit, që është arrestuar për grabitjet e tjera ka kërkuar leje nga burgu për të marrë pjesë në varrim ditën e nesërme.
