Manchester City ka fituar 2-0 në transfertën e Cardiff dhe ka vazhduar aventurën në FA Cup. Por një dëmtim horror në këtë sfidë ka pësuar ylli gjerman Leroy Sane, i cili u detyrua të lëri fushën e lojës dhe ti drejtohet menjëherë spitalit për të verifikuar shkallën e dëmtimit.
Lojtari i Cardifit, Joe Bennett, i ka shkaktuar atij në faull taktik, por që rezultoi të ishte mjaft i rëndë dhe serioz. Nuk dihet shkalla e dëmtimit të gjermanit, por nga pamjet duket se kemi të bëjmë me një ndërhyrje shumë të rëndë.
Sane është një ndër lojtarët më të rëndësishëm të Guardiolës te City dhe një dëmtim i tij do t’i prishte shumë punë ekipit anglez. Benett u ndëshkua vetëm me karton të verdhë, por në fundin e takimit shkakton sërish një ndërhyrje po aq të rrezikshme ndaj Diaz dhe dërgohet jashtë me karton të kuq.
