Aktorja e madhe shqiptare e kinematografisë dhe teatrit, Tinka Kurti ka humbur djalin e saj Zef Kurtin. Aktorja disa ditë më parë u përball me probleme shëndetësore dhe humbja e papritur e djalit rëndon akoma më shumë gjendjen e saj.
Lajmin e ka bërë publik nga shkrimtarja Flutura Açka, e cila me një status në “Facebook” rrëfen se nuk i bie dot telefonit nga larg e ta ngushëllojë aktoren e madhe të skenës shqiptare për këtë humbje.
Djali i Tinkës, Zefi u nda nga jeta në moshën 65-vjeçare. Ai jetonte prej vitesh në Kanada së bashku me familjen e tij.
Postimi i plotë i Flutura Açkës
“Tinkën, ç’e paska gjetë!
Nuk i bie dot telefonit nga larg e ta ngushëlloj, nuk kam fuqi. “Kam frikë se nuk do të më gjejë djali gjallë kur të vijë,” thoshte ndonjëherë në bisedat tona të shpeshta, dhe fliste, dhe fliste, dhe fliste për Zefin… si nëna për djalin. Sa tepër duken fjalët. I paqes, Zef Kurti!”
