Është ndarë nga jeta ditën e djeshme një nga themeluesit e Partisë demokratike, Altin Qoshja.
Ai gjithashtu ka qenë dhe anëtarë i Grupit të Dhjetorit ’90,e ndërsa ka mbajtur dhe poste drejtuese në PD. Ka qenë Edlira Bushati e cila ka bërë me dije ndarjen nga jeta Altin Qoshes. Me anë të një postimi në rrjetin social ‘Facebook’ Bushati shprehet se Qoshja luftoi gjatë me kurajo dhe pa humbur buzëqeshjen
Postimi i Edlira Bushatit
“Ndahet nga jeta, në mënyrë të parakohshme, miku ynë i dashur, Altin Qoshja… Figurë qendrore e FRPD dhe PD gjatë viteve 1997-2005…
Luftoi gjatë, me kurajo dhe pa humbur buzëqeshjen. … U prehsh në paqe Altin!”.
Gjithashtu, për lajmin e hidhur të ndarjes nga jeta të Altin Qoshes ka reaguar edhe Partia Demokratike me një mesazh ngushëllimi.
Mesazhi i PD-së
Partia Demokratike shpreh ngushëllime te sinqerta për ndarjen nga jeta te Altin Qoshes, studentit te dhjetorit, qe u shqua mes nesh për kurajon dhe urtesine ne kohe te vështira.
27 vite me pare, Altin Qoshja, se bashku me 342 studente e pedagoge, firmosen mbremjen e 11 dhjetorit 1990 krijimin e Partisë Demokratike.
Gjate lëvizjes studentore, ai u rendit nder te rinjte e pare te cilët kundërshtuan regjimin diktatorial dhe deri ne ndarjen e parakohshme nga jeta, ishte një nga demokratet me te përkushtuar.
Me dhimbje te thelle, ngushëllojmë familjen dhe miqtë e Altinit!
I paharruar qofte mes nesh!
