Është ndarë nga jeta ditën e sotme në moshën 63-vjeçare mjeshtri i valles shqiptare Rexhep Çeliku. Prej kohësh Rexhep Çeliku vuante nga një sëmundje e rëndë. Rexhep Çeliku ishte solisti i parë i Ansamblit të Këngëve dhe Valleve, ndërsa vetëm pak ditë më parë Presidenti Meta i akordoi titullin “Nderi i Kombit”.
Shfaqjen dhe fotot e fundit në publik i pati pikërisht në ceremonine e dekorimit nga Meta me titullin Nderi i Kombtit me motivacionin: “Në vlerësim të kontributit të jashtëzakonshëm si solist me nivel të lartë dhe mjeshtëri të veçantë artistike në interpretimin e valleve shqiptare; për promovimin denjësisht të vlerave të mirëfillta të trashëgimisë sonë kulturore kombëtare brenda dhe jashtë vendit, si dhe për pasurimin e fondit të krijimtarisë koreografike dhe përçimin e tij tek brezat e artistëve të rinj”.
