Një ngjarje e rëndë ka tronditur botën e futbollit. Labinot Harbuzi, mesfushori me origjinë shqiptare ka ndërruar jetë ditën e sotme pas një goditje në zemër. Lajmi është konfirmuar nga babai i futbollistit, Ismeti. Ai ka treguar për mediat suedeze se rreth orës 10 të mëngjesit, 32-vjeçari u rrëzua në shtëpi, pas një goditje në zemër. Edhe pse ai u transportua me ambulancë në spital, nuk arriti të shpëtonte.
Harbuzi kishte një karrierë shumë të pasur, pasi ishte aktivizuar për skuadra si Feyenoord, Ekselsor, Malmo, Genclerbirlig, Nanisaspor, Syrianska dhe së fundi ishte pjesë e Malaka Junajtid.
Për sa i përket kombëtareve, mesfushori u aktivizua me moshat e Suedisë, pa arritur të debutojë në kombëtaren A. Në vitin 2010 Labinoti ishte i gatshëm t’i bashkoheshe përfaqësuese shqiptare, por kërkesa e tij nuk u miratua nga FIFA. 32-vjeçari kishte raporte të shkëlqyera me legjendën Zlatan Ibrahimoviç, i cili në një intervistë të dhënë për “Sportbladet” i thuri elozhe Harbuzit, duke e vlerësuar për cilësitë e tij dhe për personalitetin që kishte.
Nga 1 janari i vitit 2017, 32-vjeçari ishte pa klub. Dy javë më parë, ai deklaroi për një revistë sportive se karriera e tij nuk kishte mbaruar, por fati e deshi që ai të mbyllte diçka në mënyrë tragjike.
